Aansoo Shayari – Aaj aansuu tum ne poncchhe bhi to kya,

"> Posted by:Zeshan

Aaj aansuu tum ne poncchhe bhi to kya,
Yeh to apna umr bhar ka kaam hai..

========================

Aik aansuu aankh main roka hua,
Aik hansi honton se behti huyi..

========================

Jo zubaan se beyaan nahin hote,
Unhi lafzon se ashkk bante hain..

========================

Zamaane ke sawalon ko main hanss ke taal doon lekin,
Nammi ankhon ki kehti hai mujhe tum yaad atey ho..

========================

Raah takte jab thak gayi meri aankhain,
Phir tujhe dhoondne meri aankh ke aansu nikle..

========================

Kami nahi hai kisi cheez ki magar,
Akela beth ke roya hoon zaar zaar bohat..

========================

Zabt karna hai to phir hadh se guzarna ho ga,
Khoon ho jaye yeh dil, aankh na bharne paye..

========================

Aik lamhe me mere man ko bhigo deti hai,
Uski har baat hi saawan ki tarah lagti hai..

========================

Kis qadar dil-shikkan they mohabbat ke rastey,
Armaan phir koi zindagi mein kar na sake..

========================

Bohat andar tak tabaahi machaata hai,
Woh aansuu jo behne se ddar jaye..