Dard Shayari – Mili sazaa jo mujhe wo kisi khataa pe na thi

"> Posted by:Zeshan

Mili sazaa jo mujhe wo kisi khataa pe na thi,

Mujh pe jurm jo sabit hua woh wafa ka tha..!!

=====================================

Tere baghair meri umar raayegaan* guzree,

Koi bhi kaam nahi theek se hua barson..

(raayegaan;waste)

=====================================

Aashnaa dard se hona tha kisi taur humain,

Tu na milta to kisi aur se bichrre hotey..

=====================================

Kon tha woh jo tha apne shab-o-roz mein gum,

Mar gaye jis ki mandderon* pe kabooter mere..

(mandderon;balcony)

=====================================

Yeh teri judaayi ki yaadgaar hai warna,

Aik zakhm bharney mein dair kitni lagti hai..

=====================================

Toot kar bhi dharrakta rehta hai,

Dil sa bhi koi wafaadar na ho..

=====================================

Agar mohabbat ki hadh nahin koi,

Dard ka hisaab kyun rakhoon ?

=====================================